حسرة ومطالب مشروعة بخصوص قطاع الصحة باجلموس



 بغيت نعرف حاجة وحدة فقط واش ماشي حشوما على مهندس دولة بصفته رئيسا للمجلس القروي يبقى يضحك على سكان اكلموس وكأنهم " حوالا "  للإشارة راه ولاد البلاد فيهم : الطبيب والمهندس والأستاذ و المحامي  و القائد ورجال الأمن من أصغر رتبة إلى أكبر رتبة كلهم متبعين أعمال المجلس ..... !!!! ما بغيناش المندوب يشكرك على والو حيت إلى جبتي دورة صغيرة بالليل ولا النهار ف الصبيطار ديال والو اسي " بأدو " غادي  تبكي على الدراوش سواء من داخل البلدة او من خارجها وكيفاش ك يتم التعامل معاهم بحال الحيوانات  ..... !!!!!

سي بادو  اسمح ليا إلى قلت لك راه السكان ما عندهم ما يديرو بالشكر وبالمجاملة،  السكان بغاو صبيطار حقيقي بغاو أطباء وممرضين وممرضات لي يسمعوا لهم ويساعدوهم ويعاملوهم ك بشر ماشي ك حشر ....
الناس عيات اسي بادو من الوعود الكاذبة والضحك على الذقون  .
الناس اسي بادو عياو من نفس الطبيب ومن نفس الدوا ومن نفس العساس  .
سي بادو بغيت المجلس الموقر ديالكم يمتلك الجرأة ويكري ولا يبيع الصبيطار ل سي الطبيب لي رادو ضيعة ديالو ك يدير فيه لي بغا ليل نهار ولارقيب ولا حسيب  .... بيعوه ليه يردو كلينيك أحسن  ..... 
       تحياتي سي بادو
محمد اهناش - 2017/08/27 -